Hasiera | Bloga | Foroa | Wikia | Azpitituluen aurkibidea

Azpitituluak edo azpidatziak euskaraz

Euskarazko azpitituluen inguruko webgunea izan nahi du honek. Informazioa eta, batez ere, azpitituluen fitxategiak trukatzeko lekua bihurtu nahi luke.

Filmak bertsio originalean ikusi, euskaraz irakurriz dialogoak. Erraza da, tutorial labur honek azaltzen du funtsezkoa. (horra beste tutorial bat Sustatun)

Ikus ekarpenak edo lagundu osatzen azpititulu partzialki euskaratuak. Dokumentatu zaitez wikian eta partekatu zure aportazioa; ez da hain zaila ekitea:

Azpitituluen bloga

Azpitituluen fitxategien karga-deskarga blog baten bidez dago antolatua. Blog ireki bat, non edozeinek sortu dezakeen sarrera bat. Moderatu gabea eta (nahi baduzu) anonimoa da fitxategi karga. Azpititulu fitxategia baduzu, mesedez RAR edo ZIP formatuan konprimitu, eta huraxe kargatu azpitituluak kargatzeko formulariotik. Kargatzeko orduan, osoa ala osatzeko den zehaztu.

Osatu gabeko fitxategiak ere ongi etorriak dira. Beste lagun batek har ditzake, eta jarraitu itzulpenarekin. Hala ere, halako gutxi gertatu da web honen historian: saiatu behar bazara, hartu film bat eta zuk zeuk egin egin itzulpena. Film bat euskaratzeko lan ertaina 10 ordu dira. Bi astetan, egunero pittin bat eginda, egina duzu.

Azpitituluak dituzten mezuetan, erantzuna uztean fitxategi gehigarriak utz daitezke. Hau da, segun-eta zein film bertsio, fitxategi desberdinak kargatu ahal izango ditugu.

Foroa

Era berean, azpitituluen blog hori hori foro bat ere bada. Ideia da gaiak plazaratzea, eta baita bere bitartez azpitituluen fitxategiak trukatzea. Moderatu gabeko foroa da: artikulu nagusiak bidaltzea edo erantzutea libre da. Forora albisteak kargatzeko, hemendik.

Wikia

Ez duzu sekula etxean euskaraz azpititulaturik filmik ikusi? Ba egin daiteke. Erraza da, baina detaileak bihurriak izan daitezke. Webgune honek lagundu nahi dizu, eta horretarako ondo dator dokumentazioa. Horretarako wiki bat ezarri dugu. Editatzeko libre dago wikia, erabiltzaile-izena eta pasahitza orrietan bertan ematen da aditzera. (apur bat zaharkitua dago wikia; baina oinarrizkoak sinpleak dira, gorago itsatsi dugun aurkezpenean azaltzen dira).

Visit Azpitituluak's profile on Pinterest.