Home | Bloga | Foroa | Wikia | Espero ditugunak | Katalogoa

Azpitituluen bloga

The Revenant (2015)

Jon ¦ 2016-02-10 ¦ 13:22

The.Revenant.2015.DVDSCR.X264.AC3-EVO-eu.srt

1820an oraingo Dakotan larru ehizan ari diren gizon batzuek indioen erasoa jasan dute, horietako batzuek ihes egiten dute. Geroago, Hugh Glass (Leonardo DiCaprio), itzultzeko bidea ezagutzen duen bakarra, ia hiltzen da hartz batek erasotu eta gero. Zauritua eramateko zailtasuna dela eta, Andrew Henry (Domhnall Gleeson) kapitainak erabakitzen du bertan uztea hil arte Glassen seme indioarekin -Hawk (Forrest Goodluck)- eta beste bi gizonekin Jim Bridger (Will Poulter) eta John Fitzgerald (Tom Hardy).

Filmak merezi du ez bakarrik istorio krudelagatik, edo hizkuntzak normaltasunez erabiltzen dituelako, edo indioen kontrako injustizia salatzen duelako, edo Leonardo DiCapriok egiten duen paperagatik; baizik eta filmak barneratzen zaitulako natura basatian, latzean, kupidarik gabekoan eta, hala ere, -edo horregatik, agian- ezin ederragoan.

Fitxategi hauetarako balekoa:

 The.Revenant.2015.DVDSCR.X264.AC3-EVO.mkv
 The.Revenant.2015.DVDSCR.800MB.ShAaNiG
 The.Revenant.2015 Zi$t HQ-DVDSCR-x264-AC3
 The.Revenant.2015.DVDScr.XviD.AC3-ETRG
 The.Revenant.2015PROPER.DVDSCR.999MB.MkvCage.mkv 
 The.Revenant.2015.DVDSCR.x264.DD5.1-NoGrp 
 The Revenant 2015 DvDScr 650 MB iExTV

Fitxa. Zuzendaria: Alejandro G. Ińarritu. Gidoia: Mark L. Smith, Alejandro G. Ińarritu. Jatorrizko eleberria: Michael Punke. Musika: Carsten Nicolai, Ryuichi Sakamoto. Aktoreak: Leonardo DiCaprio, Tom Hardy, Domhnall Gleeson, Will Poulter, Lukas Haas, Duane Howard, Forrest Goodluck. Izenburua: The Revenant (en), El Renacido (es). Imdb

osoak: The.Revenant.2015.DVDSCR.X264.AC3-EVO-eu.srt 61KB (62891 byte)

Permalink | erantzun edo komentatu

Ko To Tamo Peva (1980)

Luistxo ¦ 2016-02-09 ¦ 17:30

Kototamo-eus-osoa.srt.rar

Serbiako pertsonaia batzuen gaineko erretrato kostunbrista eta fatalista artekoa. Autobus zahar batean, pertsonaia batzuek Belgradora joan nahi dute. Bi musikari ijito ere badoaz. II. Mundu Gerraren bezperetan gaude, 1941eko udaberrian, eta ezerk ezingo du gerra, suntsipena eta gorrotoa geldiarazi.

Zuzendaria: Slobodan Sijan. Gidoia: Dusan Kovacevic. Aktoreak: Pavle Vuisic, Dragan Nikolic, Danilo Bata Stojkovic, Aleksandar Bercek, Neda Arneric. Musikari ijitoak: Miodrag Kostic, Nenad Kostic. Musika: Vojislav Kostic. Herrialdea: Jugoslavia. Izenburua: Ko to tamo peva, Who's Singin' Over There? (en), Lķnea no regular (es), Qui chante lą-bas ? (fr). Imdb

Azpitituluak bat etorriko dira bertsio hauekin:

 Ko To Tamo Peva (1980) 697 MB  
 www.yubraca.net/Ko To Tamo Peva by www.yubraca.net.mp4

Film bitxi eta fatalista, Ketari lagunak gomendatuta euskaratua.

osoak: Kototamo-eus-osoa.srt.rar 18KB (18968 byte)

Permalink | erantzun edo komentatu

Eraztunen Jauna, trilogia

. ¦ 2016-02-08 ¦ 09:20

Aspaldi osatu genuen trilogia hau euskaraz, baina tira, hemen gogorakizuna. Eskerrik asko bereziki Ekialde eta Gari Urbasajaun euskaratzaileei.

2013an osatutakoa: The Lord of the Rings - The fellowship of the ring (2001)

2014an osatutakoa: The Lord Of The Rings - The Two Towers (2002)

2014an osatutakoa: The Lord of the Rings - The return of the King (2003)

Permalink | erantzun edo komentatu

Azpitituluen katalogoan garbiketa erradikala: 700etik 400 film luzetara

Azpitit ¦ 2016-02-07 ¦ 11:44

Gure azpitituluen katalogoa, 700 filmetik 400era jaitsi da azken orduetan, bat-batean. Ez da istripu bat izan, baizik eta erabaki kontziente bat. Kalitate eskaseneko azpidatziak, Xabier Aramendi X.A.k sortutakoak, kendu ditugu. Berak pertsonalki igoak edo Freesubtitles, OpenSubtitles eta bere webgune pertsonaletik hartuak ziren 300 azpititulu horiek, eta katalogo nagusitik desagertu dira jada.

Webgune honen hastapenetan, apenas dozenatxo batzuk azpititulu geneuzkanean, X.A. film asko kargatzen hasi zen, eta asko poztu ginen. Itzulpen haietako euskara bitxi samarra iruditu arren, hain film gutxi zeuden... Apenas zegoenez boluntariorik, gehien egiten zuenari ongi etorria eman zitzaion. Euskaraketa haietako batzuen gainean, zenbait lagunek beste bertsio batzuk kargatu genituen, eta horrekin X.A. haserretu ere egiten zen, eta irainka erantzuteari ekin zion. Halako batean, hemendik ospa egin zuen, ohartarazi baikenion ez geniola jarrera hura onartuko. Dena dela, X.A.k beste toki batzuetan kargatzen jarraitu izan du filmak, eta filmak, izatez, interesgarriak zirenean, handik ere kopiatu izan ditugu.

Hala ere, kalitatearen aldetik, desastrosoak izaten jarraitu dute. Hiztegia eta ortografia bere kasara asmatzen ditu X.A.k, eta gainera, itzultzaile txarra da: esaldiak gaizki harrapatzen ditu, eta zuzenketa/orrazketarik egiten duenik ere ez dirudi sekula.

Horrez gain, besteen zuzenketak ez onartzeko jarrera horrekin, eta zenbait ekimenetan (software libreko euskaratze zenbaitetan) sartu dituen kirtenkerien haritik, esan beharra dago argi eta garbi: X.A. ez da ari ekarpenik onik egiten batere, eta bai, aldiz, eragin suntsigarri eta oker bat, azpitituluen munduan eta euskarazko softwarearen hedapenean.

Bereziki, azpititulu edo programa hauekin ikasleek eta euskara ikasten ari direnek topo egiten dutenean okerrerako baizik ezin da izan: disparate linguistikoekin eta ortografia asmatuarekin, euskara batua zuzen ikasteko garaian daudenak nahastuko ditugu.

Gorago esandako horiek egia badira, nolatan permititu izan ditugu azpititulu oker horiek hemen? Tira, webgune honen administratzaileak, Luistxo Fernandezek, mea culpa esan eta barkamena eskatu behar dizue. X.A.renak egon izan dira gure artean, lehenengo eta behin berak pertsonalki kargatzen zituelako, eta gero ba, inertziagatik eta "kopuruaren liluragatik", azpititulu askok itxura hobea ematen zutelakoan gutxik baino. Izatez, orain, haren 300 azpititulu kenduta ere 400 baino gehiago geratzen zaizkigu eta bada kopuru polita. Ez dugu esango jada zazpi urtean 700 bildu ditugula, baina bueno, aurten ez bada datorren urtean 500era iritsiko gara, eta zenbaki polit bat izango da.

Azpititulu okerren orriak ez ditugu ezabatu. Google-eko bilaketei begira, hainbeste URL ezabatzea okerra litzateke, eta film askorekin bertsio informazio zehatz berri asko gehitu izan dugu, X.A.k berak ere dokumentatu ez duena. Hortaz, eduki hori guztia katalogo nagusitik ezkutatu dugu, baina hemen gorde dugu, orri berezi batean: X.A.ren 300ak. Izatez, 300 azpititulu baino gehiago izan dira X.A.renak, baina zenbaki zinematografiko eta biribil bat denez, hor utziko dugu materialaren balio kabalistikoaren eta arkeologikoaren izenean. Bestalde, laburmetraietan eta telesailetan ere ezabatu dugu X.A.ren lana, salbu eta Game of Thrones-en kasuan (esperantza dugu horretan Canal Plus-entzako finantziatutako azpidatziak askatuko direla eta X.A.renak azpidatzi onekin ordezkatu ahal izango ditugula).

Tarteka X.A.ren azpitituluak zuzendu izan ditugu, lan handia (edo oso handia) hartuz, eta zuzendutako horiek salbatu egin dira katalogoan.

Geratzen diren azpitituluen artean denak primerako kalitateakoak direnik ere ez du esan nahi gaurko albisteak. Akatsak eta okerrak egongo dira, euskaratzaile asko itzultzaile amateurrak besterik ez gara eta. Baina inorenak gaizki topatuta, zuzentzen badituzu, lehenengo azpidazleak eskertu egingo dizu, seguro.

Canal Plus-eko hitzarmenean esperantza pixka bat jarriz, eta jendearen lan boluntarioan, ohi bezala, konfiantza edukiz, segitu dezagun munduko zinemaren katalogo euskalduna osatzen! animo lagunok!

Permalink | erantzun edo komentatu

Up! (Megavixens) (1976)

Oier Gorosabel LarraƱaga ¦ 2016-02-06 ¦ 08:51

Up! Megavixens - Russ Meyer 1976 [DVDrip Xvid ENG-ESP].rar

Esplotazio filmen unibertso partikularrean, Russ Meyerren pelikulak nabarmentzen dira. Camp estetika eta bular handiko emakumeak ezaugarritzat hartuta, bere lanek satiraz eta umore absurdoz gainezka daude, eta agian horregatik lortu zuten arrakasta hori. Meyerrek lengoaia zinematografikoa ongi menperatzen zuen: gaztetandik hasi zen Super8 kamerarekin saltsan; II Mundu Gerran zinegile bezala aritu zen, Patton jeneralaren dibisioarentzat; gerra ostean ere zinema argazkigintzan jarraitu zuen (Giant pelikulan, adibidez); baina ospea glamour argazkilari gisa lortu zuen (Playboy aldizkariarentzat arituta, besteak beste). Bere zinema ibilbidean dozenaka pelikula autoekoitzi zituen .ā€œUp!ā€ bere azken arokoa da, eta bere estiloan, Meyerrek nahastu egiten ditu egoera surrealistak, zine konbentzioen parodia, gertakari sinesgaitzak eta estereotipo moralen satira. Bitxikeria pare bat aipatzearren, Aintzinako Greziako antzerkiaren errekurtso bat erabiliz, pelikula osoan zehar koru batek lagunduko gaitu filmaren nondik norakoak hobeto ulertzeko; eta bestalde, orduko zentsurak ez zuenez baimentzen zakilik erakustea, pelikularako zainez betetako protesiak erabili ziren.

Sinopsia: Californian, bavariar estiloko gazteluan bizi den nazi ohi bat modu bizarroan erahila izan da. Herri txikian bizi diren susmagarriak ezagutuko ditugu, hiltzailea aurkitzeko eta azken borroka epikoan mendekua hartzeko.

Zuzendaria, ekoizlea eta argazkia: Russ Meyer. Gidoia: Roger Ebert, Russ Meyer. Musika: William Loose, Paul Ruhland. Antzezleak: Raven De La Croix, Edward Schaaf, Robert McLane, Kitten Natividad, Candy Samples, Su Ling, Janet Wood, Linda Sue Ragsdale, Monty Bane, Marianne Marks, Larry Dean, Bob Schott, Foxy Lae, Ray Reinhardt, Elaine Collins. Izenburuak: Gora! (eus), Megavixens (fr), Megavixens (es).

Bertsio honetarako:

 Up! Megavixens - Russ Meyer 1976 [DVDrip Xvid ENG-ESP].avi

osoak: Up! Megavixens - Russ Meyer 1976 [DVDrip Xvid ENG-ESP].rar 16KB (16493 byte)

Permalink | erantzun edo komentatu

Kraftidioten (2014)

@Lasturralde ¦ 2016-02-03 ¦ 16:49

Kraftidioten-In Order of Disappearance.(2014)_EUS.srt.zip

Nilsek herrixka bateko aireporturako bidea elurrez garbitzen lan egiten du. Duela gutxi, "urteko herritarraren" (edo hiritarraren) saria eman diote. Baina semea droga gaindosi bategatik hil dela esaten diotenean, ezin sinetsi geratzen da. Ikertzen hasten da egiaren bila eta mendekua buruan duelarik. Bere ezjakintasunean emandako pausoek, guda bat hasiko dute, bi gaizkile talderen artean: "Kondea" deituriko gangster begano istrioniko bat buru duen mafioso Norvegiar taldea eta"Papa" deituriko buruzagia duen Serbiar mafiaren sukurtsal baten artean.

Hiru erpin hauen artean ekoizturiko umore beltzeko thriller bikaina da. Antzeko beste film handi batzu gogorarazten ditu momentu batzuetan baina bere zigilu propioa mantenduaz, elkarrizketa eta egoera surrealistak argazkigintza dotere batekin uztartuaz.

Datu Teknikoak - Zuzendaria: Hans Petter Moland. Gidoia: Kim Fupz Aakeson. Aktoreak: Stellan SkarsgƄrd (Nils), PƄl Sverre Hagen (Greven), Bruno Ganz (Papa), Kristofer Hivju (strike), Birgitte Hjort Sorensen (Marit) Argazkia: Philip Ogaard Musika: Braian Batz, Kaspar Kaae, KƄre Vestrheim. Herrialdeak: Norvegia, Suedia Hizkuntzak: Norvegiera, Suediera, Ingelera, Alemana, Serbokroaziera. Iraupena: 116 min. Sariak: Austin Fantastic Fest 2014: Best actor/Best director. Fantasia Film Festival 2014: Best international film. Izenburua beste hizkuntzetan: In order of Disappearance (en), Uno tras otro (es), Refroidis (fr). IMdb

Fitxategia bertsio honekin bat dator sinkronizatua:

 Kraftidioten-In Order of Disappearance.(2014).avi

Beste bertsio hauentzat erabilgarria izan daiteke:

 in order of disappearance.avi
 In Order of Disappearance Kraftidioten (2014).avi
 Obywatel Roku.2014.PLSUBBED.DVDRip. Xvid-MX.avi

osoak: Kraftidioten-In Order of Disappearance.(2014)_EUS.srt.zip 20KB (21308 byte)

Permalink | erantzun edo komentatu

Suffragette (2015)

Joxe Aranzabal ¦ 2016-02-02 ¦ 10:28

Suffragette.2015.HDRip.XviD.AC3-EVO.EUS.srt.zip

Drama historiko honek kontatzen du Britainia Handian zelako borroka egin zuten sufragistek XIX. mende bukaeran eta XX.eko hasieran, emakume guztiek bozkatzeko eskubidea izan zezaten. Borroka latza, kasurik gehienetan garaiko gobernuak erruki barik erantzun zien-eta.

Zuzendaria: Sarah Gavron. Gidoilariak: Abi Morgan. Aktoreak: Carey Mulligan, Anne-Marie Duff, Meryl Streep, Brendan Gleeson, Ben Whishaw.

Izenburua: Suffragette (en), Sufragista (eu), Les Suffragettes (fr), Sufragistas (es).

Estekak: Wikipedia | IMDb

Fitxategia bertsio hauekin dago sinkronizatuta:

 Suffragette.2015.HDRip.XviD.AC3-EVO.avi
 Suffragette.2015.WEB-DL.x264-RARBG
 Suffragette.2015.HDRip.XViD-ETRG
 Suffragette.2015.720p.WEB-DL-MkvCage
 Suffragette.2015.720p.WEB-DL.x264.Ganool
 Suffragette.2015.720p.WEBRip.x264.AAC-ETRG
 Suffragette.2015.WEB-DL.XviD.AC3-RARBG
 Suffragette.2015.WEB-DL.XviD.MP3-RARBG
 Suffragette.2015.720p.WEB-DL.XviD.AC3-RARBG
 Suffragette.2015.1080p.WEB-DL.DD5.1.H264-RARBG

osoak: Suffragette.2015.HDRip.XviD.AC3-EVO.EUS.srt.zip 30KB (30827 byte)

Permalink | erantzun edo komentatu

Azpitituluak.com, Interneteko Argia saria 2016

Azpitit ¦ 2016-01-30 ¦ 14:25

Atzo ohore handia jaso zuen Azpitituluak.com ekimen honek. Euskarazko Komunikazioaren 2016ko Argia sarietan, Interneteko saria jaso genuen. Sariak jaso zituzten halaber, ikus-entzunezkoen alorrean Gura Bazka bideo sortagatik Hiru Damatxo enpresa gazteak, Joxerra Senar kazetariak prentsa idatzian CANeko eskandalua azaldu duen liburuagatik, Loreak filmak, Gora Gasteiz xenofobiaren kontrako ekimenak, eta Euskal Irratietako Goiz Berri irratsaioak.

Webgune honen sortzaileak, Luistxo Fernandezek, jaso zuen oroigarria, eta honako hitzak esan zituen ekitaldian:

Eskerrik asko Argia, eta eskerrik asko, bereziki, azpitituluak euskaratzen lan boluntarioa egin duzuen lagunei, hemen etorri da nirekin Joxe Aranzabal, Toy Story sagaren euskaratzailea... beste hainbat lan ere euskaraz ditugu boluntarioei esker: Taxi Driver, Cinema Paradiso, Eraztunen Jauna, Edorta Eskuartazi, ...

Ekimen publiko bat ere badago, euskarazko azpitituluen alde lanean eta hura ere aipatu nahi dut: Filmazpit.

Era berean, duela urte eta erdi beste ekimen publiko bat ere iragarri zen, Jaurlaritzaren elkarlana Canal Plusekin ehundaka film euskaratzeko. Tira, hura aurkeztu zenean esan zuten emanaldiak izan eta urtebetera azpitituluak askatu egingo zirela, jabetza publikoa izango zirela. Ba bueno, epeak iritsi dira, eta dagokionari eskatuko nioke esijitzeko bere partea Canal Plusi, seguru nago Filmazpit-en oso txukun argitaratu ahal izango direla euskaratu diren pelikulen azpidatziak.

Spider-Man filmeko esaldia da, with great power comes great responsability. Nik esango dut orain, botere edo ohore handi honekin, erantzukizun handia ere badator, eta bereziki, azpitituluen kalitateari begirako zeozer egin beharko dela iruditzen zait.

Besterik ez, eskerrik asko bihotzez, Argia.

Permalink | erantzun edo komentatu

Jesus Christ Superstar (1973)

Oier Gorosabel LarraƱaga ¦ 2016-01-23 ¦ 23:59

Jesus.Christ.Superstar.1973.DVDRip.XviD.AR.rar

Musikal honek Jesusen kondaira famatua aurkezten du (mundu mailan hain hedatua dagoen kristau erlijioaren oinarria, alegia). Opera-rock gisa sortua, 1970ean disko modura argitaratu zenean polemika sortu zuen, Jesus zalantzaz betetako gizaki bezela aurkezten baitu, hark Judasekin duen desadostasun estrategikoak azpimarratuz (berez hau ez da kristauen liburu sainduetan agertzen); halere, arrakasta handia izan zuenez, antzerkira eta zinemara hainbat aldiz eraman izan da. Norman Jewisonen bertsio hau Israelgo basamortuan errodatu zen (Avdat hiriaren hondakinetan), eta nahita sartutako anakronismo deigarriak ditu, duela 2000 urteko historiaren muina gaurkotasunez zipriztintzen dutenak.

Sinopsia: erromatarrek inbaditutako Palestinan, abertzale juduak erresistentzia lanetan ari dira. Haietako batek, Jesusek, bide mistikoa hartu duenetik jarraitzaile ugari erakarri ditu; halere, bere burkide izandako Judasek begi txarrez ikusten du hori, Nazio Askapen borroka oztopatzen duelako. Horrela, eliza juduko handikien laguntzaz (erromatar inbaditzaileekin ongi eramaten direnak) segada prestatuko diote.

Zuzendaria: Norman Jewison. Ekoizleak: Norman Jewison, Robert Stigwood. Gidoia: Melvyn Bragg, Norman Jewison (Tim Rice-ren orijinalaren gainean). Musika: Andrew Lloyd Webber. Koreografia: Rob Iscove. Argazkia: Douglas Slocombe. Antzezleak: Ted Neeley, Carl Anderson, Yvonne Elliman, Barry Dennen, Bob Bingham, Kurt Yaghjian, Josh Mostel, Philip Toubus, Larry Marshall, Richard Orbach, Robert LuPone.

Bertsio honetarako:

 Jesus.Christ.Superstar.1973.DVDRip.XviD.AR.avi

osoak: Jesus.Christ.Superstar.1973.DVDRip.XviD.AR.rar 24KB (25246 byte)

Permalink | erantzun edo komentatu

The Martian (2015)

Joxe Aranzabal ¦ 2016-01-19 ¦ 10:50

The.Martian.2015.1080p.BluRay.H264.AAC-RARBG.EUS.srt.zip

Marten ari direla, ekaitz gogor batek behartu ditu Ares 3 ontziko astronautak planeta gorria uztera, baina Mark Watney bertan utzita, azken orduko istripu batean hil delakoan. Hala ere, Watney bizirik dago, eta aurrera egin beharko du, erabat bakarrik eta inguru aurkako batean. Irudimena erabili beharko du irauteko, eta baita jakinarazteko Lurrari bizirik dagoela.

Zuzendaria: Ridley Scott. Gidoilariak: Drew Goddard (gidoia) eta Andy Weir (liburua). Aktoreak: Matt Damon, Jessica Chastain, Kristen Wiig, Chiwetel Ejiofor eta Jeff Daniels.

Izenburua: The Martian (en), Martetarra (eu), Seul sur Mars (fr), Marte (es).

Estekak: Wikipedia | IMDb

Fitxategia bertsio hauekin dago sinkronizatuta:

 The.Martian.2015.1080p.BluRay.H264.AAC-RARBG.mp4
 The.Martian.2015.720p.BluRay.H264.AAC-RARBG
 The.Martian.2015.1080p.WEB-DL.DD5.1.H264-RARBG
 The.Martian.2015.720p.WEBRip.x264.AAC-ETRG
 The.Martian.2015.1080p.WEBRip.x264.AAC-ETRG
 The.Martian.2015.WEB-DL.x264-RARBG
 The Martian 2015 1080p WEB-DL x264 AC3-JYK
 THE MARTIAN.2015.720P.BLURAY.X264-[YTS.AG]
 The Martian 2015 3D Half SBS 1080p BDRip x264 AC3 - KiNGDOM

osoak: The.Martian.2015.1080p.BluRay.H264.AAC-RARBG.EUS.srt.zip 47KB (48793 byte)

Permalink | erantzun edo komentatu

Older articles »