Berriak | Katalogoa | Erreleborik? | Foroa | Wikia | Honi buruz

Berriak

Star Wars Episode III : Revenge of the Sith (2005)

Oier Gorosabel Larrañaga ¦ 2018-10-02 ¦ 23:43

Star.Wars.Episode.3.Revenge.of.the.Sith.2005.1080p.BrRip.x264.BOKUTOX.YIFY.rar

Star Wars serie osoaren barruan hirugarrena (prekuelako trilogiaren azkena) den film honetan, Anakin Skywalker azkenean Alde Ilunera pasatzen ikusten dugu. Bitartean Errepublika Galaktikoa, senatuan eginiko bozketa bidez, Inperio bilakatzen da. Horrela, demokraziatik diktadurara pasatzeko moduetako bat erakusten zaigu (autokolpe eta guzti).

Sinopsia: Klonen Gerren hasieratik hiru urtera, Jedi Zaldunak galaxian zehar sakabanatuak daude, Separatisten kontrako hainbat frontetan. Jedien Kontseiluak Obi-Wan Kenobi maisua Grievous Generala borrokatzera bidaltzen du. Bitartean, Anakin Skywalker jedi gaztea eta Palpatine kantzelaria gero eta hurbilago daude; azken honek (benetan Darth Sidious sith jaun iluna denak) Anakinengan maltzurki eragingo du, Jedien Ordena eta Errepublika kolokan jartzeraino.

Zuzendaria: George Lucas. Ekoizlea: Rick McCallum. Gidoia: George Lucas. Musika: John Williams. Argazkia: David Tattersall. Antzezleak: Ewan McGregor, Hayden Christensen, Natalie Portman, Ian McDiarmid, Samuel L. Jackson, Christopher Lee, Anthony Daniels, Kenny Baker, Frank Oz, Jimmy Smits, Temuera Morrison. Izenburuak: Star Wars, épisode III : La Revanche des Sith (fr), Star Wars: Episodio III - La venganza de los Sith (es), Star Wars III. Atala: Sitharren Mendekua (eu). Wikipedia

Bertsio honetarako:

 Star.Wars.Episode.3.Revenge.of.the.Sith.2005.1080p.BrRip.x264.BOKUTOX

osoak: Star.Wars.Episode.3.Revenge.of.the.Sith.2005.1080p.BrRip.x264.BOKUTOX.YIFY.rar 29KB (30634 byte)

Permalink | erantzun edo komentatu

Star Wars Episode II: Attack of the Clones (2002)

Oier Gorosabel Larrañaga ¦ 2018-08-24 ¦ 20:09

Star.Wars.Episode.2.Attack.of.the.Clones.2002.1080p.BrRip.x264.BOKUTOX.YIFY.rar

Star Wars seriearen prekuela eta sekuelen artean, film hau dugu bigarrena (gaur egun). Anakin Skywalker jedi ikaslearen gaztaroan zentratua dago, nagusitan Darth Vader ultragaiztoa bihurtuko dena alegia. Pelikularen motor nagusietako bat ongia eta gaizkiaren arteko lehia da (“indarraren alde argia eta iluna”, sagaren hizkera karakteristikoan), askotan begi bistakoa izaten ez dena; zentzu horretan nabarmena da gerren planifikazioari egiten zaion kritika, eta 1930. hamarkadan Alemanian naziek izan zuten bilakaerarekin paralelismoa.

Sinopsia: 2. atal hau 1. atala baino 10 urte geroago girotua dago. Galaxian guda zibila hastear da. Dooku Kondearen gidaritzapean, milaka sistemek Errepublika Galaktikoa utzi nahi dute. Amidala senataria erahiltzen saiatu dira; Anakin Skywalker Jedi ikasleari bera babesteko misioa emango diote, Anakinen maisu Obi-Wan Kenobik hilketa saiakera ikertzen duen artean. Bitartean, galaxiarentzako mehatxu berri bat agertuko da: klonen gerrak.

Zuzendaria: George Lucas. Ekoizlea: George Lucas, Rick McCallum. Gidoia: George Lucas, Jonathan Hales. Musika: John Williams. Argazkia: David Tattersall. Muntaia: Ben Burtt. Jantziak: Trisha Biggar. Antzezleak: Ewan McGregor, Natalie Portman, Hayden Christensen, Christopher Lee, Samuel L. Jackson, Frank Oz, Ian McDiarmid, Pernilla August, Temuera Morrison, Jimmy Smits, Jack Thompson, Leeanna Walsman, Ahmed Best, Rose Byrne, Anthony Daniels, Kenny Baker. Izenburuak: Star Wars, épisode II : L'Attaque des clones (fr), Star Wars: Episodio II - El ataque de los clones (es), Star Wars II. Atala: Klonen Erasoa (eu). Wikipedia .

Oharra: Yoda Maisuaren hizkerari ezaugarri berezia baina halere ulergarria emate aldera, naffarrera klasikoz hizketan jarri dugu, Josu Lavinek garatutako itzultzaile automatiko hau erabiliz.

Bertsio honetarako:

 Star.Wars.Episode.2.Attack.of.the.Clones.2002.1080p.BrRip.x264.BOKUTOX.YIFY

osoak: Star.Wars.Episode.2.Attack.of.the.Clones.2002.1080p.BrRip.x264.BOKUTOX.YIFY.rar 32KB (33220 byte)

Permalink | erantzun edo komentatu

Star Wars Episode I: The Phantom Menace (1999)

Oier Gorosabel Larrañaga ¦ 2018-06-17 ¦ 09:14

Star.Wars.Episode.1.The.Phantom.Menace.1999.1080p.BrRip.x264.BOKUTOX.YIFY.rar

George Lucas zuzendariari eginiko kritiketan, bere film serie ezagun honen barruan kalitate mailan gorabehera handiak egin izana egozten zaio. Zentzu honetan, zaleek Episode I delako hau ez dute leku onenean uzten, haurrentzako ikuspegia eman diolakoan; horregatik, hain zuzen ere, umeekin ikusteko pelikula aproposa eta dibertigarria da.

Sinopsia: Merkataritza Federazioak Amidala erregina gazteak gobernatzen duen Naboo planeta txikia blokeatu berri du; ekintza hau Sith Darth Sidiousek ezkutuan gauzatutako egitasmoa da. Qui-Gon Jinn jedi zalduna eta haren ikaslea den Obi-Wan Kenobik Amidala printzesa Coruscant Errepublikaren hiriburuan babestu dadin konbentzitzen dute. Baina blokeoa ekiditen saiatzean, erreginaren espaziontziak kalteak jasaten ditu, bere eskifaiak basamortuz beteriko urruneko Tatooine planetan lurrartzera derrigortua dagoelarik...

Zuzendaria: George Lucas. Ekoizlea: George Lucas, Rick McCallum. Gidoia: George Lucas. Musika: John Williams. Argazkia: David Tattersall. Muntaia: Ben Burtt. Jantziak: Trisha Biggar. Antzezleak: Liam Neeson, Ewan McGregor, Natalie Portman, Jake Lloyd, Ian McDiarmid, Pernilla August, Oliver Ford Davies, Hugh Quarshie, Ashmed Best, Anthony Daniels, Kenny Baker, Frank Oz, Terence Stamp, Andrew Secombe, Ray Park, Samuel L. Jackson, Sofia Coppola, Keira Knightley, Silas Carson, Lewis McLedo, Gin Clarke, Hassani Shapi, Michaela Cottrel, Warwick Davis. Izenburuak: Star Wars, épisode I : La menace fantôme (fr), Star Wars: Episodio I - La amenaza fantasma (es), Star Wars I. Atala: Mamu mehatxua (eu). Wikipedia.

Oharra: Yoda Maisuaren hizkerari ezaugarri berezia baina halere ulergarria emate aldera, naffarrera klasikoz hizketan jarri dugu, Josu Lavinek garatutako itzultzaile automatiko hau erabiliz.

Bertsio honetarako:

 Star.Wars.Episode.1.The.Phantom.Menace.1999.1080p.BrRip.x264.BOKUTOX.YIFY.mp4

osoak: Star.Wars.Episode.1.The.Phantom.Menace.1999.1080p.BrRip.x264.BOKUTOX.YIFY.rar 39KB (40786 byte)

Permalink | erantzun edo komentatu

Passengers (2016)

Zumaiako Herri Eskolako DBH 3ko ikasleak ¦ 2018-05-31 ¦ 16:40

2018-05-10_07-57-34_Passengers.2016.HDRip.XViD-ETRG-eus.rar

Avalon espazio-ontziak 5.000 kolono eta eskifaiako 258 kide daramatza Homestead II planetara. Bidaiak 120 urte iraungo du eta zein bere hibernazio-kapsulan doa. Baina den-dena aldrebestuko da bidaiarietako bat garaia baino 90 urte lehenago esnatzean.

Zuzendaria: Morten Tyldum. Gidoia: Jon Spaihts. Aktoreak: Jennifer Lawrence, Chris Pratt, Michael Sheen, Laurence Fishburne. Imdb

Bertsio hauekin ondo etorriko da azpidatzien sinkronizazioa:

 Passengers.2016.HDRip.XViD-ETRG
 Passengers.2016.1080p.WEB-DL.DD5.1.H264-FGT
 Passengers.2016.1080p.WEB-DL.H264.AC3-EVO
 Passengers.2016.720p.WEB-DL.H264.AC3-EVO
 Passengers (2016) 720p WEB-DL - 1GB - ShAaNiG
 Passengers (2016) 720p WEB-DL 950MB - MkvCage
 Passengers.2016.720p.WEBRip.x264.AAC-ETRG
 Passengers.2016.HDRip.XviD.AC3-EVO
 Passengers.2016.WEB-DL.XviD.AC3-FGT
 Passengers.2016.WEB-DL.x264-FGT

osoak: 2018-05-10_07-57-34_Passengers.2016.HDRip.XViD-ETRG-eus.rar 29KB (30024 byte)

Permalink | erantzun edo komentatu

Médecin de Campagne (2016)

Oier Gorosabel Larrañaga ¦ 2018-05-08 ¦ 16:36

Irreplaceable.2016.Medecin.de.Campagne.BDRip.XviD-EXTREME.rar

Film eder honek landa eremuko medikuntzaren ezaugarri bereziak erakusten dizkigu. Bukolismotik aparte, baserririk baserri dabiltzan osagileak jarraituko ditugu haien lanaren gazigozoak konpartituz, eta maitasunez eta umore finez, herri txiki baten bizimoduan barneratuz.

Sinopsia: Frantzia iparraldeko landa eskualde batean, Werner doktorea mediku bakarra da. Gaixotasun bat duela eta, laguntzaile bat ezarriko diote gogoz kontra. Osagile biek lanbidea ulertzeko modu desberdinak uztartu beharko dituzte, eta gorabeherak gorabehera, kapitaleko gazteak zaharraren eskarmentutik asko ikasiko du; bai medikuntzaz, baita bizi legeaz ere.

Zuzendaria: Thomas Lilti. Ekoizlea: Emmanuel Barraux, Agnès Vallée. Gidoia: Baya Kasmi, Thomas Lilti. Musika: Alexandre Lier, Sylvain Ohrel, Nicolas Weil. Argazkia: Nicolas Gaurin. Edizioa: Christel Dewynter. Antzezleak: François Cluzet, Marianne Denicourt, Isabelle Sadoyan, Félix Moati, Christophe Odent, Patrick Descamps, Guy Faucher, Margaux Fabre, Julien Lucas, Anthony Bajon, Yohann Goetzmann, Josée Laprun, Géraldine Schitter, Sylvie Lachat, Philippe Bertin. Izenburuak: Irreplaceable / The Country Doctor (en), En un Lugar de Francia / Un Doctor en la Campiña (es), Landa Eremuko Medikua (eu). Estekak: Film affinity | Allocine

Bertsio honetarako:

 Irreplaceable.2016.Medecin.de.Campagne.BDRip.XviD-EXTREME.avi

osoak: Irreplaceable.2016.Medecin.de.Campagne.BDRip.XviD-EXTREME.rar 27KB (28364 byte)

Permalink | erantzun edo komentatu

Farewell My Concubine (Agur nire konkubinari) (1993)

Luistxo Fernandez ¦ 2018-03-10 ¦ 11:50

Farewell.My.Con-eus-osoa.srt.zip

Pekineko Opera jenero liriko txinatarrean rol guztiak gizonezkoak betetzen zituzten, baina aktore batzuk txikitandik emakumezkoen roletan berezitzen ziren. Horietako bat da Cheng Dieyi, zeinak Duan Xiaolou bere lagun eta eszenako kidearekin, bikote artistiko bat osatuko duten, txikitandik berezituz obra ezagun batean: Agur nire konkubinari klasikoa. Dieyi feminizatua Yu konkubina izango da, eta Xiaolou berriz, erregea. Bien arteko harremanak operako dantza eta mugimenduen tankera izango du urteak aurrera doazen artean, bitartean Txina eraldakuntza politiko handiak gertatzen diren biartean. Era berean, Xiaolouk emakume bat maitatzeak ere tentsioa eragingo du bikote artistikoan.

Zuzendaria: Chen Kaige. Gidoia: Lilian Lee, Lu Wei. Jatorrizko eleberria: Lilian Lee, Pekingo opera klasikoan oinarritua. Aktoreak: Leslie Cheung, Zhang Fengyi, Gong Li, Ge You, Lü Qi, Ying Da. Izenburua: 霸王别姬 / Bàwáng Bié Jí (cn), Farewell my concubine (en), Agur nire konkubinari (eu), Adieu ma concubine (fr), Adiós a mi concubina (es). Imdb

Azpidatziak bat etorriko dira bertsio hauekin:

 Farewell.My.Concubine.1993.x264.AC3-WAF
 Farewell.My.Concubine.1993.Bluray.720p.AC3.x264-CHD
 Farewell.My.Concubine.1993.MULTi.1080p.BluRay.x264-FHD 

Agur nire konkubinari film tristea da, baina ederra, estetikoki maila gorenekoa. Frakasoaren kontakizuna da, ez edertasunak, ez arteak eta ez maitasunak ezin dutela patu krudel bat oztopatu, ezta heriotzaren ezinbestekotasuna atzeratu. Nolabait bere antonimoa da Bizi, Zhang Yimou-ren hurrengo urteko filma non aktore protagonistak diren hemengo sekundarioak (Gong Li eta Ge You, Yuan errefinatuarena egiten duena).

Aktore protagonistak, konkubinarena egiten duen Leslie Cheung-ek, bere buruaz beste egin zuen filma amaitu eta 10 urtera. Txinako eszenako zelebritate gay lehenetarikoa izan zen Cheung. Epilogo triste bat, film triste honi.

Agur, bai

Hau ere epilogo bat da. Milagarren filma Azpitituluak Euskaraz proiektuan. Izoztua geratzen da hau, eta ikusiko dugu erreleborik baden. Mila eta bat film, eta gehiago ere, izango dira jendeak kargatzen baditu, eta zainduko ditut fitxategi horiek, baina azpidatziak egiteari, nik, agur esaten diot.

osoak: Farewell.My.Con-eus-osoa.srt.zip 40KB (41670 byte)

Permalink | erantzun edo komentatu

Azken karga masiboa

Luistxo ¦ 2018-03-10 ¦ 09:05

Webgune honetako kudeatzaile nagoela egingo dudan azken karga masiboa da gaurkoa. Film mordoxka bat, batzuk Filmazpit-ekoak besteak Open Data Euskadin askatu zirenak iaz.

Movistarrerako egin ziren euskaratze horiek jarraipena izan behar omen zuten, baina momentuz ez dago. Ordaindu eta egingo ziren gehiago, baina ez dituzte askatu, eta beraien irismenaz ere ez dakigu ezer (nork erabiltzen ditu?).

Tira, honen ondoren, ikusiko da webguneak jarraipena duen eta Open Datakoak moldatzearenak ere jarraituko den.

Karga masiboko film zerrenda hauxe da:

Permalink | erantzun edo komentatu

The Servant (1963)

via Filmazpit ¦ 2018-03-03 ¦ 08:58

The.Servant-Zerbitzaria-Bluray.srt.zip

Londresko aberats batek zerbitzari bat kontratatuko du (Hugo Barrett izenekoa, Dirk Bogarde-k gorpuzten du). Klase posizioak "agintzen" duen bezala hasten da lanean Hugo, baina denbora batera etxeko laguntzaile gisa Vera sartuko du etxera, bere arreba dela esanez, eta egiazki ez da arreba, baizik eta Hugoren maitalea. Drama klaustrofobiko bat garatzen da; beldurra, tentsioa eta mesfidantza nagusitzen dira etxean. Aldi berean, gizarte-mailen arteko desberdintasunei eta botere-harremanei buruzko gogoeta trebea planteatzen du Joseph Losey zuzendariak.

Zuzendaria: Joseph Losey. Gidoia: Harold Pinter. Jatorrizko eleberria: Robin Maugham. Aktoreak: Dirk Bogarde, Sarah Miles, Wendy Craig, James Fox, Catherine Lacey. Herrialdea: Erresuma Batua. Izenburua: The Servant (en, fr), El Sirviente (es), Zerbitzaria (eu). Imdb

Azpidatziak bat etorriko dira bertsio hauekin:

 The.Servant.1963.1080p.BluRay.x264-GECKOS[PublicHD] 
 The.Servant.1963.1080p.BluRay.x264-GECKOS
 The.Servant.1963.1080p.BluRay.H264.AAC-RARBG 
 The Servant 1963 720p BRRip x264-PLAYNOW
 The.Servant.1963.BRRip.480p.TinyBearDs

Azpidatzi hauek agertu ziren Filmazpit webgunean

osoak: The.Servant-Zerbitzaria-Bluray.srt.zip 25KB (26605 byte)

Permalink | erantzun edo komentatu

Frantic 1988

Imanol ¦ 2018-02-26 ¦ 13:58

Kaixo:
Frantic euskaratzea erabaki dut. Egon naiz zerrendetan begiratzen, eta esango nuke inork ez duela euskaratu.
Ba, hoixe, nire asmoa hori dela. Jakin dezazuen.

Permalink | erantzun edo komentatu

Miele (2013)

via Filmazpit ¦ 2018-02-25 ¦ 08:41

Miele-eztia.Shiva.eus.srt.zip

Irenek 32 urte ditu eta bakarrik bizi da. Gaixo terminalei eta sufrimenduiagatik hiltzeko laguntza eskatzen duten pertsonei laguntzen ematen du denbora. Miele ezizena erabiltzen du, eztia italieraz. Egun batean, ordea, oinolako gaixotasunik ez duen baina hil nahi duen gizona ezagutuko du: dagoeneko nahikoa bizi izan dela eta nekatuta eta aspertuta dagoela esan dio. Gizonarekin izandako solasaldiek bere lanaren eta bizitzaren oinarrizko zenbait printzipioren inguruko gogoeta egitera bultzatuko dute Irene.

Zuzendaria: Valeria Golino. Aktoreak: Jasmine Trinca, Carlo Cecchi, Libero De Rienzo, Vinicio Marchioni, Iaia Forte, Roberto De Francesco, Barbara Ronchi. Herrialdea: Italia. Hizkuntza: italiera. Izenburua: Miele (it), Honey (en), Eztia (eu), Miel (es). Estekak: Rotten tomatoes (%100) | Imdb

Azpidatziak bat etorriko dira bertsio hauekin:

 Miele (2013) DVDrip Italian -Shiv@
 Miele 2013 italian ac3 (k@pp@ papeetegroup)
 Miele.[Honey]2013.DVDRip.XviD.AC3.HORiZON-ArtSubs

Azpidatzi hauek agertu ziren Filmazpit webgunean

osoak: Miele-eztia.Shiva.eus.srt.zip 19KB (20289 byte)

Permalink | erantzun edo komentatu

Older articles »