Berriak | Katalogoa | Espero ditugunak | Foroa | Wikia | Honi buruz

Shar Nohoyn Tam / Die Hoehle des gelben Hundes (Txakur horiaren leizea) (2005)

Lander Azcue ¦ 2016-08-22 ¦ 22:13 ¦

Ia dokumentaltzat har genezaken film mongoliar/alemaniar honek bizitzaren inguruko istorio bat dakarkigu. Nansal neskatila eta bere txakur Zochor izango dira film honen gidariak, mongoliar ohituren, kondairen, erritmoen, harremanen ... erakusleiho bilakatuz. Filma Nansalen itzulerarekin hasten da, eskola egunak amaituta, hiritik lautadara itzultzen denean. Hor ezagutuko du Zochor txakurra, eta harreman hori aitzakiatzat hartuz, mongoliar familia nomaden bizitzan murgilduko gara. Erritmo lasaiak, irudi ikusgarri bezain ederrek eta hausnarketara bultzatzen gaituzten mezuek patxadaz gozatzeko filma osatzen dute.

Fitxa teknikoa. Izenburua: Die Hoehle des gelben Hundes (de) / Шар нохойн там (Shar Nohoyn Tam; literalki Infernuko Txakur Horia); The Cave of the Yellow Dog (en), El perro mongol (es), Le chien jaune de Mongolie (fr), Txakur horiaren leizea (eu). Zuzendaritza eta gidoia: Byambasuren Davaa. Argazkia: Daniel Schoenauer. Hizkuntza: Mongoliera. Aktoreak: Urjindorj Batchuluun, Buyandulam Daramdadi Batchuluun, Nansal Batchuluun, Nansalmaa Batchuluun, Batbayar Batchuluun, Tserenpuntsag Ish. Imdb

Hiru aukera doaz erantsita, Majestic, Festival eta Fragment izenekoak, ondo etorriko direnak, hurrenez hurren, bertsio hauekin:

 The.Cave.Of.The.Yellow.Dog.2005.DVDRiP.XVID.AC3-MAJESTIC
 The.Cave.of.the.Yellow.Dog.2005.FESTIVAL.DVDRip.XviD-SSF
 The.Cave.Of.The.Yellow.Dog.2005.PROPER.DVDRip.XviD-FRAGMENT

Eta gainera, Majestic-ek balioko du beste honetzat ere:

 The Cave of the Yellow Dog.(Davaa.2005.DVD.xvid)

Oharra: Azpitituluak moldatzen ditudan lehen esperientzia izanik, eskertuko dira zuzenketa, aldaketa edo hobekuntza proposamenak. Testu tamaina txikia bada ere (hor film honekin hasteko arrazoietako bat) hizkuntzen arteko aldeak sinkronizazio arazo batzuk eman dizkit.

Deskargak: 25

 :  ZakurHori.rar 31KB Osoak

Erantzunak

  • Re: Txakur horiaren leizea

    Azpitit ¦ 2016-08-23 ¦ 15:31

    Eskerrik asko @landerazkue zure lehenbiziko ekarpen honengatik. Mongoliako zinearen beste harribitxi bat ere badugu katalogoan, zuzendari beraren Gamelu negartiaren istorioa.

    Bide batez, sarean dauden bertsioak alderatuz, beste bi sinkronizazio gehigarri jarri dizkiogu, zuk kargatutako originalaz gain. Animo ba, Lander, ez dadila azkena izan!

  • Re: Shar Nohoyn Tam / Die Hoehle des gelben Hundes (Txakur horiaren leizea)

    Lander Azcue ¦ 2016-08-23 ¦ 18:49

    Eskerrik asko! Bai bi bertsioak gehitzeagatik eta baita eskainitako laguntza guztiagatik. Esperientzia interesgarri eta positiboa izan da. Seguru ez dela azkena izango!

  • Re: Txakur horiaren leizea

    Luistxo ¦ 2016-09-03 ¦ 11:04

    Ikusi dut filma, gozoa eta inteligentea. Eskerrik asko Lander. Grazia egin dit nola aipatzen den Mongolian hauteskundeak errepikatzera doazela agintariak... ez zenuen nahita sartuko txistea itzulpenean ezta? XD

  • Re: Shar Nohoyn Tam / Die Hoehle des gelben Hundes (Txakur horiaren leizea)

    Lander Azcue ¦ 2016-09-06 ¦ 12:06

    Pozten naiz! Ni ere harrituta utzi ninduen hauteskundeen kontuak kar kar, eta norbaiti zalantza hori agertuko zitzaiola ere pentsatu nuen. Hain leku ezberdinak izanda ere....

Erantzun artikulu nagusiari